Page 27 - MIN ON

24 AWEMainta Diahuebs, 5 Januari 2017

Cambio di fecha pa presentacion di buki “Cicatriz

di Mirada” dor di autor Arubano Angelle Stamper

E aña aki poeta Angelle Stamper a debuta cu su buki di poesia
“Cicatriz di Mirada” for di Hulanda.
Actualmente Angelle ta na Aruba pa presentacion di su buki, cu lo
tuma lugar awe dia 5 di januari 2017 na Renaissance Marketplace
cuminsando pa 8or di anochi.
Durante e anochi Angelle Stamper lo presenta su obra atrabes di
declamacion di varios poema.

“Cicatriz di Mirada” ta un album di poesia conteniendo poema na
Papiamento, Ingles, & Hulandes acompaña pa potretnan saca na
Aruba saca pa Angelle su mes persona.
Na varios ocasion Angelle Stamper a declama poesia na diferente
evento cultural, exposicion di arte y actividad formal tanto na Aruba
y den exterior.
Angelle Stamper a participa diferente biaha n’e compentencia lit-
erario “Arte di Palabra” na Aruba y na Corsou.
Na diferente ocasion a bay cu premio di prome y segundo lugar pa
su poemanan “Garnachi di Speransa” y “Bo no mag di bay”.
Na 2011 Angelle Stamper tabata un di e 25 hobennan cu haya
reconocemento en conexion cu celebracion di 25 aña di Status
Aparte, pa medio di exposicion Aruba Dushi Tera “Chikito y simpel
bo por ta pero si respeta”.
E mesun aña Angelle a presenta su poema “Freedom within” na
desvelo di estatua di Anne Frank den Wilhelmina Park.
Pueblo di Aruba ta keda cariñosamente invita pa bin presencia e
presentacion di “Cicatriz di Mirada”.
Despues di e presentacion lo tin un sesion di firma. Entrada p’e
evento aki ta gratis. Pa mas informacion por tuma contacto via
662-4003 of por email na cicatrizdimirada@gmail.com

Durante e siman aki

Serlimar ta recoge

rutanan residencial 1

dia despues di e dia fiho

EN coneccion cu e siman di aña nobo, Serlimar ta avi-
sa e publico en general di e siguiente adaptacion den su
schedule residencial:

Adaptacion te cu diasabra 7 di januari
Rutanan di diaranson: lo wordo recogi 1 dia despues riba
diahuebs 5 di januari;
Rutanan di diahuebs: lo wordo recogi 1 dia despues riba
diabierna 6 di januari;
Rutanan di diabierna: lo wordo recogi 1 dia despues riba
diasabra 7 di januari.
Entrante Dialuna 9 di januari, lo asumi asumi e schedule
normal bek.
Di antemano danki pa tuma nota di e comunicado aki
Pa cualkier informacion of pregunta tocante recogemento di
desperdicio na bo adres, comunica libremente na 524 5080
entre 7:15 di mainta te 3:45 di atardi.