Page 14 - WEB

Ya caba tin companianan ta importando santo y piedra

ORANJESTAD (AAN): Companianan cu ta coba santo lo por bay Barcadera pa sigui
opera. Pero esaki lo stroba otro empresanan cu tin caba den e area?

Ariba esaki Minister Oduber a indica cu e doñonan di companianan estableci caba na
Barcadera mester compronde cu esaki ta un zona industrial. Pero esey no ta kita cu
gobierno ta pone como condicion den e huur of den e conveni cu e hendenan aki lo

haya condicionnan cu mester atende pa cu kibramento di piedra of cu santo cu ta
wordo maneha.

No ta zomaar cu por bay bolter y molestia e bisiñanan, pero mester realiza cu ta den un

area industrial. Esaki ta mescos cu e discusion cu tin cu ASTEC y cu WEB, a bisa.

Mediante un ley, gobierno ta dunando espacio pa tur compania por sigui draai. E
companianan mester realiza cu abase di un ley cu a wordo introduci na 2009, gobierno

ta dunando 2 aña pa cuminza re-ahusta “e focus di bo negoshi”, (…) pero pa ley, no por
sigui coba mas den areanan cu tin cierto cosnan cu bo no por haci mas.

Hunto cune a tuma un decision cu no kier sigui mira e otro 29 buraconan cu a wordo

coba durante e añanan y cu awe ta un peliger grandi pa henter bario. Kier evita pa
esaki sigui tuma lugar, Oduber a remarca.

El a agrega cu despues di e manifestacion cu a tuma lugar, a instala un comision cu ta

bin cu recomendacionnan y alternativanan pa gobierno pa evita entre otro, cuminza
subi prij.

Oduber a bisa cu di e companianan cu ya caba ta importando santo, piedra, etc y nan

ta hayando nan na prijs mas barata, cu hasta ta cobe aki na Aruba cu tur e
consecuencianan cu tin.

E unico dificultad cu tin ta cu e material di graniet, cu e comision mester pensa si ta

importa graniet of si ta bin cu alternativanan, a señala.

https://www.diario.aw/2019/05/minister-oduber-gobierno-ta-dunando-espacio-pa-tur-compania-por-
sigui-draai/