Page 17 - AVP
P. 17
Rocco Tjon: E siman aki Parlamento ta
manda carta pa ARA inicia investigacion den
Fundacion Lotto Pa Deporte (FLPD).
13 HORA PASA , 21 DI MEI 2019 07:48
SECCION: POLITICA
Manera ta conoci algun siman pasa Algemene Rekenkamer (ARA) a manda un carta pa
Parlamento den cual nan a confirma cu nan tin un base legal pa haci un investigacion den
FLPD.
INVESTIGACION
E siman aki Parlamento di Aruba lo manda un carta pa ARA den cual lo defini kico Parlamento
lo kier pa nan investiga. Parlamento ya caba a reuni riba e topico aki siman pasa y a yega na e
decision cu kier pa ARA haci un “rechtmatigheids” y “doelmatigheids” onderzoek den Lotto pa
deporte.
Esaki ta nifica cu Parlamento kier sa si tur e fondonan ta wordo uza pa e meta cu e mester
wordo uza. Y si tur esaki ta cana segun ley. Den cuadro di esaki lo haci un apelacion na ARA
pa dentro di nan investigacion nan analisa y evalua tur documento, nota di reunionnan, tur
gasto cu a wordo haci y tambe kende a cobra pa e servicionan y si esaki ta cuadra cu Statuut y
si e tawata necesario.
