Page 20 - AVP

Na momento cu Gabinete Wever-Croes a asumi nan responsabilidad nan a presenta na
Parlamento un Memorandum financiero economico (FEM). CAFT y Gobierno di Reino a aproba
e FEM y esaki por lesa bek entre otro den e protocol nobo cu pais Aruba a firma cu Hulanda na
2019. E diferencia mas grandi entre e protocol cu Mike Eman a firma y e protocol nobo ta, cu
Mike Eman a bay di acuerdo pa supervision financiero structural door di Hulanda. Sra. Evelyn

Wever-Croes al contrario a yega na palabracion pa pais Aruba, cu na momento yega un surplus
riba presupuesto, lo institui un organo di supervision Arubano, sin representacion di Hulanda.
Asina de facto nos a recobra bek nos autonomia financiero.

MOCIONNAN DI STATEN
Pa loke ta e bon funcionamento di nos estado di derecho, tin dos aspecto cardinal cu a cambia.
Parlamento di Aruba a aproba un mocion di fraccion di MEP, den cual a urgi gobierno pa na
mitar di aña responsabilisa nan maneho y con nan ta ehecuta fondonan aproba den
presupuesto. Esaki pa si ta necesario Parlamento di Aruba por re-aloca cierto fondonan pa
evita, manera tawata e caso bou gabinete di Mike Eman, cu na final di aña Aruba conoce un

presupuesto supletorio cu alocacion di fondonan adicional.

Pa prome biaha den historia, na 2018, pais Aruba a conoce un presupuesto supletorio budget
neutraal. Es decir no tawatin mester di mas fondo y asina a cumpli tambe cu e norma financiero

manera stipula den e memorandum financiero economico.

PA CONCLUI
Nos ta informa pueblo pa asina tur hende por compronde cu Hulanda no tin niun motibo valido
pa kier impone of duna instrucion. Al contrario, ta bou supervision di Hulanda, for di 2015 te cu
2017, nos situacion financiero a empeora.

Den nos siguiente articulo nos lo elabora riba e conseho di “Raad van Advies” riba e concepto
di ley cu a wordo entrega y e autoridad di Parlamento pa entrega un amienda pa drecha e
aspectonan anti-constitucional.

http://www.awe24.com/20190521/36022/Rocco_Tjon_Gobierno_di_Reino_a_permiti_Mike_Eman_des
trui_nos_finanzas_publico