Page 12 - BNDIA ARUBA

a12 riba caya
Diahuebs 27 December 2018

Pickup ta sali dilanti otro auto na Savaneta

ORANJESTAD - Riba e caminda di Savaneta, banda di
MFA a sosode diaranson atardi un accidente di auto.
Esaki tabatin un impacto basta fuerte ora cu e pickup
Ranger a subi caminda dilanti un Mazda.
E golpi a pone cu un di e autonan a saca su airbag, pero na mes
momento, e airbag a pone cu un personal a keda levemente
herida. Autoridadnan a pidi pa ambulance presenta na e si-
tio caminda paramediconan a brinda e victima prome auxilio.
Polis di trafico tambe tabat’ey pa asina tuma tur e datonan
necesario.

Varios detencion ora homber a lanta contra

Polis y tiro a cay

ORANJESTAD - Diamars
anochi un pickup lo a oca-
siona un accidente, pero
a sigui core bay. E chauf-
feur a core su tras, pero a
perde e otro automobil-
ista den area di Hato. Po-
lis di trafico, cu a tuma e
dato, a presenta na e adres
Driemasterstraat pa asina
busca drechi di e auto y a
topa cune.

Aki e personanan a cum-
insa lanta contra e oficial fe-
menino cu tabata su so na e
sitio. Debi cu tabata tres per-
sona contra e agente policial
femenino, esaki a los tiro di
advertencia. Na e sitio a de-
tene e homber cu a lucha cu
e agente policial, como tam-
be dos dama pa motibo cu no
sigui ordo di Polis.
Departamento forensico di
Polis tambe a presenta na e
sitio pa asina saca potret di
e hulsnan y elabora su in-
forme di e sucedido. Adicio-
nalmente, un agente policial
su uniform a keda na sanger
debi cu e homber cu nan a
detene tabata basta agresivo
durante su e lucha y mester
a bay vloer cune.