Page 20 - BNDIA ARUBA

A20 DEPORTE
Diaranson 21 november 2018

Royal Power Tat Fat Home Depot ta titula Campeon AA

ORANJESTAD -
Campeonato Heineken
di Aruba Softball Bond,
dedica na dos baluarte
Chin Thiel (q.e.p.d) y e
trabuco Wilbert ‘Wiwi’
Maduro, a yega su final
momento cu Royal Power
Tat Fat Home Depot a
‘sweep’ Balashi Premuim
den e best out of 5.
Den e di tres wega Royal
Power a derota Balashi
Premuim 11-0. Royal Power
a bati como ekipo 17-9 pa
un averahe di 529. Balashi
Premuim a bati como ekipo
13-2 pa un averahe di 154.
Jomark Flanegin, no riba su
miho anochi riba monticulo,
lansando 32 bola, 33 strike
pa un total di 65 lansamento,
regalando 4 base por bola
y ta propina 4 strike outs,
ta seya e victoria riba su
nomber, blankeando Balashi
Premuim 11-0.
Jorge Santana Cortina ta bay
cas cu e derota, lansando 80
lansamento, di cual 36 ta
bola, y 44 strike, permitiendo
10 careda limpi, regalando
4 base por bola. Miho
batiadonan pa Royal Power
a resulta Gregory ‘Pilin’
Krosendijk 2-1, cu 2 careda
anota y 2 rbi.
Giandrick Lacle di 3-2 cu 1
rbi y 2 careda anota, Kelvin
Silvania, Guyon Cannister, y
Aigil Brete tur a bay di 1-1.
Jomark Flanegin aportando
na su propio causa, ta dispara
un cañonaso di homerun den
deep centerleft riba e muraya
di Dragon Hitters mas di 300
pia impuhando 4 careda y ta
anota dos pa asina garantisa e
victoria. Pa Balashi Premuim
a conecta e unico dos
hitnan pa nan equipo Sando
Geerman di 1-1 y Josmar
Thiel di 2-1. Mesora Aruba
Softball Bond a bay over na
entrega premionan tanto
individual como premio di
ekipo.

Jomark Flanegin ta ricibi e
premio di MVP.
Riba e premionan individual
ASB lo amplia den un
proximo relato.

Like
Like

us on
us on

Facebook
Facebook

Bon Dia 24 Aruba
facebook.com/bondianoticia