Page 21 - AWEMAINTA

Diamars, 16 April 2019 AWEMainta 21

Colegio San Augustin ganador di

“Hackaton Island of the Future 2019”

DIASABRA ultimo a tuma lugar e Youth Tech
Event organisa pa SETAR N.V. Durante e evento

aki a premia e ganador di e “Hackaton Island of

the Future 2019”.
Un total di 6 scol secundario a participa n’e
“hackaton” caminda cu cada un di nan a presenta

nan proyecto.

Colegio San Augustin a presenta nan proyecto di
“Aquaponics”, cual a impresiona e hurado y ta-
bata mas cu suficiente pa por a bay cu e prome

premio.

E proyecto aki a wordo desaroya pa alumnonan
di 3e klas bou guia di docentenan Michel Nico-
laas, Ellis Verduin y Brenton Croes.

Meneer Croes t’esun cu a lidera e proyecto aki

p’asina guia Colegio San Augustin n’e premio
maximo.
Un palabra di gradicimento na SETAR N.V. p’e

tremendo iniciativa aki y un palabra di pabien na

henter e team di Colegio San Augustin.

Parokia di Santa Cruz cu Caminda di Cruz pa Alto Vista

DIABIERNA Santo, dia 19 di april 2019, Parokia di Santa Cruz

ta tene su Caminda di Cruz pa Kapel di Alto Vista.
Esaki lo sali pa 4’or di madruga for di plenchi pariba di Misa. Lo

resa e Santo Rosario pa invoca nos Mama Celestial pa Paz, Hus-

ticia y Trankilidad por reina riba nos pais Aruba y pa combersion
di pecadornan.

Tambe ta canta canticanan di Siman Santo y cu meditacion riba

e pasion y morto di Hesus-Cristo, nos Salbador.

Ta pidi fielnan bin cu flashlight pa por canta for di blaachi di

canticanan. Tin busnan disponibel pa transporta fielnan despues
di e Caminda di Cruz bek pa Santa Cruz.

Pastoor Jairo y Comision Caminda di Cruz Santa Cruz ta invita
henter pueblo di Aruba y en particular pueblo di Santa Cruz pa

compaña nan n’e Caminda di Cruz aki.

Asina nos ta cuminsa Bierna Santo cu oracion pa nos bon Dios

por baha Su bendicion riba nos pais Aruba, proteha y libra nos
di tur cosnan malo y robes.