Page 23 - AWEMAINTA

Diamars, 16 April 2019 AWEMainta 23

Kiwanis cu evento inolvidabel pa nos grandinan

RECIENTEMENTE Kiwanis Club of Aruba
a organisa un “Elderly Party”, cu e meta prin-
cipal pa ofrece nos grandinan un dia placen-

tero y inolvidabel.
Esaki ta sosode pa basta aña caba y e biaha

aki mas o menos 70 persona por a disfruta
di un mainta ameno yen di actividad inte-
resante. E evento a cuminsa cu un concierto

musical priva presenta dor di sr. Etty Top-
penberg, kende porcierto a bay bek den tem-
po cantando diferente cantica.

Despues di mas o menos un ora, Aruba Salsa
a continua e programa cu un workshop ofre-

ciendo nos grandinan un splicacion amplio
con pa marca nan paso salsero. Un ora prome

cu lunch, e boluntarionan di Kiwanis Club of
Aruba a dirigi un Bingo na unda nos grandi-
nan por a gana varios premio humilde. Na

final di e evento nos grandinan a ricibi un tas
cu varios producto practico, cu mas tanto a

keda patrocina dor di varios compania local.
Meta di Kiwanis International ta pa mehora
e mundo dor di haci un diferencia positivo y

duradero den e bida di nos muchanan.