Page 24 - HOH

Urgent Care Aruba (UCA) Ta Sigui Inova Den Cuido

Medico: Awor Ta Conta Cu Servicio Di Ecografia/

Ultrasound

 Local
- 22/05/2019

ORANJESTAD, ARUBA: Cu hopi orguyo Urgent Care Aruba (UCA) ta anuncia
henter comunidad di Aruba cu despues di hopi esfuerzo, dedicacion y un inversion den
un equipo di ultimo tecnologia, finalmente por ofrece comunidad di Aruba servicio priva
di ultrasonido (Ecografia).
Actualmente ultrasonido y otro metodonan di diagnostico door di imagen ta wordo
considera manera un pilar fundamental n’e prome liña di atencion di e pashent pa detecta
malesanan agudo y maneho di malesanan cronico.

Ecografia
Ecografia ta un estudio unda ta manda ondanan sonico cu ora nan ta pasa door di e
diferente organonan di curpa ta wordo captura manera imagen cu ta wordo mira mesora
den un screening.

Na Urgent Care Aruba (UCA) e dokter radioloog ta haci e procedura di ecografia y
tambe ta haci e interpretacion mesora. E bentaha di esaki ta cu e pashent ta haya su
diagnostico mesora.
E dokter cu ta lesa e imagennan aki ta un dokter specialisa, y ta debidamente registra na
Departamento Salud Publico di Aruba.