Page 25 - HOH
P. 25
“Hopi hende mester aceso na un ecografia pa diferente motibo: e ta un estudio economico
si ta wordo compara cu otro estudionan, no ta invasivo door cu no ta usa radiacion
ionizante.” segun e Director General di Urgent Care Aruba, Dr. Carlos Yagua Jr.
“Pa medio di dje por logra valora e diferente organonan di curpa manera tiroide,
screening di pecho, higra, galblaas, pancreas, nier, matris y ovario y prostata entre otro.”
ULTIMO TECNOLOGIA
Urgent Care Aruba (UCA) na Centro Medico Noord, a percura pa pone den
funcionamento un unidad di ecografia di ultimo tecnologia esaki cu finalidad di ofrece un
servicio integral, mas eficiente p’e pashentnan y pa dokternan por yega na un diagnostico
oportuno.
E strategia general di servicio di imagenan ta centra den un obhetivo fundamental: duna
e mihor atencion posible na e usuarionan den un marco di servicio di calidad y adecua
n’e normanan internacional actual.
Di e manera aki Urgent Care Aruba (UCA) ta crea un cultura di mehoramiento
continuo den e maneho di tur su procesonan. Tambe ta segura cu e servicio duná na su
clientenan ta satisface e requisito y expectativanan door di excelencia continuo.
ACCESIBLE Y OPORTUNO
No mester siman of luna nan pa haci un cita, e pashent por acudi n’e centro y riba e
mesun dia e por haya e servicio. Tambe e persona mes por dicidi un ora y dia cu ta cai
conveniente p’e.
E departamento ta disponible pa henter comunidad di dialuna pa diasabra y den caso nan
necesario cu mester haci un ecografia e centro lo ta disponible despues di ora nan di
trabao.
E pashent lo haya un reporte medico detaya emiti door di e dokter radioloog unda tin
splicacion di e studio haci.
E prijs di studio aki ta uno hopi acesibel, di e manera aki UCA ta reafirma su
compromiso di servicio pa henter comunidad di Aruba.
URGENT CARE ARUBA
Ta apenas 5 aña pasa cu Urgent Care Aruba (UCA) situa na Centro Medico Noord, a
wordo instituí como un concepto nobo den servicio pa trata casonan di urgencia y asina
asisti turistanan y localnan den nan necesidad di atencion medico.
