Page 9 - BNDIA ARUBA

A9
REINO Diamars 26 Februari 2019

Tilgent Capital Trust no ta interesa mas den Insel Air

WILLEMSTAD – E compania di aviacion Tilgent Cap-
ital Trust a anuncia siman pasa cu nan no tin interes
mas den e compania di aviacion local InselAir. Esaki a
keda confirma pa e presidente di e sindicato UGTK /
CADMU, Hensley Muelens den fin di siman.

Esaki ta significa cu e ultimo socio strategico posibel di Inse-
lAir ta foi mesa. E posibilidadnan ta cu hues lo declara Inse-
lAir bancarota mañan, segun Muelen. Na e momentonan aki
InselAIr tin problemanan tecnico y desde siman pasa nan no
tin permit pa bula.

Corsou ta conoce su di tres morto den trafico

WILLEMSTAD – Dialuna alrededor di
07.19or, Central di Polis a ricibi infor-
macion di un accidente di trafico cu a
tuma luga riba Weg naar Westpunt na
altura di Tera Kora.

For di un investigacion preliminar cu polis a
haci na e sitio a resulta cu un auto tabata core
riba Weg naar Westpunt direccion di rotonde
di Zegu. Diripiente e automobilista aki a
kita na su man robes pa bay pasa auto net na
momento cu un vehiculo cu tabata core riba
Weg naar Westpunt den direccion di Banda
Abou tabata acercando. E dos vehiculonan a
dal frontal cu consecuencia cu chauffeur di
e vehiculo cu tabata core den direccion di
Banda Abou a fayece na e sitio.

Dokter di polis cu a presenta na e sitio a con-
stata morto di e homber Hubert P, Adelina,
nace na Corsou dia 4 januari 1953.