Page 21 - FDLP

Durante 2018 tambe 2 equipo di College USA tabata di bishita na Aruba unda a hunga

varios weganan di fogeo. Selecion maculino a prepara nan mes desde Januari den ful

swing unda den luna di Juni nan a representa Aruba den campeonato di CONSURSA y a

hasi un bon papel entre 11 pais total.

Den luna di October pa promer biaha den historia Aruba a “host” un campeonato

Femenino WBSC Americas di CONSURSA cual tabata un exito retundo. Aruba Softball

Bond a ricibi hopi compliment di Confederacion Mundial y Regional alrepsecto di e

organisacion local. Klaro Aruba Softball Bond ta gradisi su directiva pero sigur e

Comision Organisador y tur su boluntarionan cu a asumi un responsabilidad enorme pa

esaki a cana bon.

Alaves mester gradisi Stichting Subsidie Commissie, Minister di Deporte, y tur

instancianan cu a brinda nan aporte como sponsor pa logra pone un campeonato

competitivo di e magnitud aki riba pia. Pa cu aña 2019 Bestuur di Aruba Softball Bond

tin su promer reunion di aña diaranson awor 16 di Januari pa asina deliña den detayes ful

e Plan 2019 pa cu Aruba Softball Bond.

Selecionnan tambe keda pendiente paso e tercer siman den Februari training nan lo inicia

e aña aki cu un plan bastante compacto. Alaves ASB ta pidi tur lidernan di team pa keda

pendiente pa un reunion extraordinario tempran den Februari pa asina determina hunto e

draaiboek pa cu campeonato 2019. ASB alaves lo pusha mas duro den 2019 pa organisa

finalmente un campeonato femenino di U17. Softball lo bay ta den pleno accion den

2019.

https://24ora.com/aruba-softball-bond-ta-cuminsa-cu-preparacionnan-pa-

campeonato-2019