Page 23 - FDLP

Aruba Softball Bond a ricibi hopi compliment di Confederacion Mundial y Regional
alrepsecto di e organisacion local.

Claro Aruba Softball Bond ta gradici su directiva pero sigur e Comision Organisador y

tur su boluntarionan cu a asumi un responsabilidad enorme pa esaki a cana bon. Alaves
mester gradici Stichting Subsidie Commissie, Minister di Deporte, y tur instancianan cu
a brinda nan aporte como sponsor pa logra pone un campeonato competitivo di e
magnitud aki riba pia.

Pa cu aña 2019 Bestuur di Aruba Softball Bond tin su promer reunion di aña diaranzon
awor 16 di Januari pa asina deliña den detayes ful e plan 2019 pa cu Aruba Softball
Bond. Seleccionnan tambe keda pendiente pasobra e tercer siman den Februari training

nan lo inicia e aña aki cu un plan bastante compacto.

Alaves ASB ta pidi tur lidernan di team pa keda pendiente pa un reunion extraordinario
tempran den Februari pa asina determina hunto e draaiboek pa cu campeonato 2019.

ASB alaves lo pusha mas duro den 2019 pa organisa finalmente un campeonato
femenino di U17.

Softball lo bay ta den pleno accion den 2019.

https://www.diario.aw/2019/01/aruba-softball-bond-ta-cuminsa-cu-
preparacionnan-pa-campeonato-2019/