Page 5 - AVB

Los Tricolores Di Solito Un Bes Mas Masha Activo

Den Play-Off AVB

 Deporte
- 04/06/2019

Despues cu damas tricolor a duna bon bataya den play-off, tur otro division a sigi den
lucha pa drenta play-off of yega final.

Pa locual ta Sub-5 y Sub-7 tabatin un tremendo Campeonato, pero e divisionnan ey AVB
no ta organisa play-off.

RCA Sub-9 a drenta play-off den gran forma y den semi-final ta derota Britannia 1-0 cu
gol di Evans Nedd y RCA Sub-9 lo hunga final diadomingo awor pa 8:30 am den CDFF
contra La Fama riba ritmo di Tamboras y DJ Splash.

RCA Sub-11 mester hunga algun wega mas y tambe lo start cu play-off. RCA Sub-13,
faltando dos wega tambe ta rumbo pa play-off.

RCA Sub-15 falta solamente un wega, pero ya a clasifica pa play-off. RCA Sub-15 lo
hunga e siman aki diasabra mainta semi-final den CDFF.