Page 6 - AVB
P. 6
Tambe den dushi ambiente musical. RCA Sub-17 cu a clasifica basta siman atras, ta topa
Nacional awe (diaranson) pa 8or den CDFF (Noord). Lo tin ambiente cu DJ Splash y
tamboras di Roque. Ban yega y apoya nos talentonan cu pronto ta Hoofdklassers.
Pa locual ta Division di Honor, RCA a gana Dakota 3-2 cu un bunita cabesaso di Cris
Tera, Bombaso di Erik Santos y Golaso di Ronaldo Brujes Valderama.
E sobrino di El Pibe kende ta acomplando bon den e plantel tricolor. Proximo
compromiso ta contra Estrella, diasabra awor 8or den CDFF, e ultimo wega di play-off
prome cu e Gran Final di Aruba su Division di mas halto. Tur fanaticada di futbol y
Aruba completo ta invita pa yega stadion y bin apoya cu hopi animo y energia positivo.
Especialmente fanaticada Tricolor ta recorda pa yega club diabierna atardi for di 6or pega
bo sticker, cumpra bo shirt, bo cap y bo ticket pa wega. Disfruta di e dushi sunset hours
den e Patio di RCA Arena.
