Page 20 - AWEMAINTA

20 AWEMainta Diamars, 19 Maart 2019

Brindando su aporte na dos proyecto boluntario:

KvK a demostra di tin bienestar di pueblo

na pecho y a duna un man cu Aruba Doet

DIABIERNA 15 di maart 2019 na diferente

localidad rond di Aruba cuidadanonan a duna un

man cu Aruba Doet.
Camara di Comercio y Industria di Aruba (KvK)

tambe a tuma parti den esaki y a tuma parti na
yuda cu dos diferente proyecto di Aruba Doet.

Aruba Doet e aña aki a conta cu participacion di

hopi mas empresa y organisacionnan. E interes ta
keda crece tur aña y e ta algo hopi bunita pa mira

con Aruba completo ta duna man y haci bon pa

nos comunidad.

KvK e aña aki a yuda n’e proyecto di Casa Cuna

caminda cu a pidi pa boluntarionan bin yuda verf
partinan di e edificio di Casa Cuna e.o. e gazebo

banda di e speelplaats.

Parti mainta e team bon anima di KvK a yuda

verf y asina na final por a wak un gazebo cu a
haya un bida nobo cu un bunita color oranje.

Tur esnan presente por a aprecia presencia di
Gobernador Alfonso Boekhoudt kende a hiba

palabra y pa un rato tur e boluntarionan a traha

disfrutando di e bon animacion di un brass band.

Despues di merdia e otro team di KvK a bay yuda

traha y vernisa bankinan na Colegio EPI Salubri-
dad y Servicio.

E boluntarionan a yuda corta palo, arma y verf e

bankinan cu vernis. Esaki tabata un experiencia
hopi agrabel mirando cu Aruba Doet ta alabes

un bon forma pa socialisa cu coleganan den otro
ambiente pafo di trabou.

Na fin di dia por wak bek na 2 proyecto comple-
ta. E ta admirabel e oportunidad unico cu Aruba

Doet ta ofrece pa yuda diferente instancia cu no
tur ora tin forma pa completa proyectonan riba

nan mes.

Di e forma aki nan ta haya ayudo y por conta cu
organisacionnan manera KvK pa por logra esaki.