Page 23 - AWEMAINTA
P. 23
Diamars, 19 Maart 2019 AWEMainta 23
Colegio San Augustin tambe den Hack-A-Thon di SETAR
COLEGIO San Augustinus t’e siguiente
skol cu SETAR a bishita pa wak e progre-
so n’e proyecto Island of the Future - Agri-
culture, y un grupo di alumno ta trahando
duro pa presenta un tremendo proyecto
p’e Hack-A-Ton di SETAR.
Nan a scoge pa usa e sistema “hydropon-
ic” unda ta combina agricultura di berdu-
ra y fruta hunto cu pisca y elementonan
electrónico manera un pomp.
E piscanan (Tilapias) ta keda poni den un
container grandi di awa y nan ta produ-
ci amonia, e awa ta wordo manda via un
pomp pa otro container.
E awa cu filter, ta tranforma e amonia den
nitrate & nitrite. E ingrediente aki ta bay
bek p’e matanan cu ta usa esaki como nu-
tricion.
Ta pone e matanan den containernan di
plastic transparente cu klei y piedra. E
klei y e piedra ta filtra e awa cu ta bin for
di e matanan bek na awa limpi, cu ta pasa
bek den e container di piscanan.
Esaki ta forma un circulo unda e pisca y
mata ta duna otro nutriente pa crece. 6
Studiante di Colegio San Augustinus ta
encarga cu e proyecto aki bou di direccion
di nan maestronan.
Otro studiantenan boluntario durante
nan pause y despues di skol ta yuda cu e
contruccion y transportacion di material-
nan.
Tur informacion cu nan a busca ta di riba
internet y hunto nan ta busca pa solu-
cionnan nobo, mientras nan ta trahando
como un team confrontanto cu retonan
cu e proyecto ta trece.
SETAR ta contento pa mira e entusiasmo
cu tin entre e muchanan di e diferente
skolnan participando y riba e potretnan
por mira e muchanan den accion trah-
ando riba nan proyecto na Colegio San
Augustin
