Page 100 - MIN JUS

Ichelle Simon A Gradua Como “Bachelor Of Laws”

 Local
- 11/04/2017

Diabierna ultimo, durante un ceremonia special y hopi emocional na Universidad
di Aruba, Ichelle Simon a ricibi su diploma di “Bachelor of Laws”. El a inicia su
estudio na Universidad di Aruba den e Facultad di Economia y a logra su
‘propedeuse’ cu exito. Mesora despues di e logro aki, a opta pa cambia pa
facultad di Ley y a gradua awor como Bachelor of Laws.

Durante di e ceremonia di graduacion mr. dr. Rycond Santos do Nascimento a
hiba palabra dunando un discurso cientifico cu a hiba e titulo di “Politieke vrijheid:
Geen recht zonder verantwoordelijkheid” y pa finalisa e ceremonia Ichelle Simon
a ricibi su diploma for di decano di facultad di ley, mr. Dr. Viola van Bogearts.

E facultad di ley na Universidad di Aruba, e prome facultad estableci desde aña
1988, a percura pa ya caba riba 200 studiante obtene nan titulo di “Master
Degree” den leynan di Aruba.