Page 101 - MIN JUS

E facultad di ley ta provee educacion academico y entrenamento na
studiantenan pa e diploma di “Bachelor” y “Master” den leynan di Aruba.

E programa di Bachelor ta dura 3 aña y na final e graduado por uza e titulo di
LL.B. tras di su nomber, cu ta un abreviacion pa “Bachelor of Laws”, mientras cu
si sigui 1 aña mas, e studiante por scoge pa specialisa sea den ley civil, penal,
constitucional of administrativo.

Ta prepara un tesis, ta defende dilanti un comision y asina ta gradua como
“Master of Laws” cu ta duna Bo e derecho pa carga e titulo di LL.M. patras di bo
nomber of tambe, den estilo Hulandes, por carga e titulo di “mr” dilanti nan
nomber.

E anochi aki tabata masha special compaña pa famia, colega y amigonan di e
graduado cu hunto a celebra e gran logro aki. Ichelle Simon ta un cara conoci,
como cu desde aña 2012 tabata un figura na television, den diferente
programanan y como presentado di Noticia Awenochi na ATV. E ta traha
actualmente na Ministerio di Asuntonan General y lo continua awor cu e estudio
di ley pa pronto termina su estudio e ora como “Master of Laws”.

http://awemainta.com/ichelle-simon-a-gradua-como-bachelor-of-laws/

Di Acuerdo Cu Fraccion Di MEP: AVP Ta Culpa

Venezolanonan Pa E Ola Di Criminalidad

 Politica
- 11/04/2017
Parlamento di Aruba a debati diamars ultimo riba e tema di criminalidad. Di parti
di AVP Clarisca Velasquez a expresa nan sosten total y ciego na Minister
Dowers.

Pasobra segun Velasquez cu el a mira cu Aruba a bira mas sigur.

Pa Velasquez e problema ta e Venezolanonan. Nan tin culpa di e ola di
criminalidad. Ta e situacion na Venezuela ta e causante di e ola di criminalidad
na Aruba.