Page 167 - MIN JUS

Den e caso di dama Chines situacion di defensa propio a sali
mas caro cu un caso di abuso sexual

Tuesday, 11 April 2017 22:22
Comparti

Abogado Chris Lejuez ta abogado di e Chines cu a asesina e director di Serlimar. El a hiba un
defensa. El a conta un tiki riba e defensa cu el a hiba, con e ta mir’e. Tabata tin un peticion di
castigo di fiscal.

El a comenta cu fiscal a pidi un castigo di 10 aña. Ta un caso hopi lamentabel caminda cu un
persona a perde su bida y ta castonan hopi fastioso pa tur hende. Ta asina si cu e caso aki tin
un aspecto particular cun’e.

E persona cu Lejuez ta defende, ta bisa cu e meneer aki, dado momento el a lanta for di e
massage tafel, a ten’e. A pidi’e pa lag’e bay. E persona no a lag’e bay. E ora e persona a purba
di push’e riba e massagetafel, ten’e cu su mannan tras di lomba, pa push’e riba e cama. E
persona a hay’e den panico. El a kere sigur cu e otro persona lo bay haci’e algun daño. El a
pensa cu e persona lo a bay molesti’e sexualmente. El a logra pone su man riba un cuchiu. El a
hinca y eynan e cos a bay for di man completamente. El a cuminsa cu algun hinca unda cu e
persona a hala atras y el a sigui bay patras y asina el a bay te cu el a culmina den un pelea,
unda cu tur dos tabata tin nan man teni y a keda bay bin y na final a bin martiu den wega y a
bin hinca den wega y e persona a perde su bida.

E caso ta delicado, segun Lejuez. Di un banda naturalmente no ta kere cu ningun hende muhe
lo mester acepta cu un hende homber lo ten’e contra su boluntad. Ora a bis’e pa lag’e bay y no
ta haci caso y purba di push’e riba un cama, esta massagetafel, cu ta duna un indicacion cu ta
bay abusa di dje sexualmente.

Esey lo por trece un señal pa e hende muhenan, cu si bo defende bo curpa ora cu un hende ta
bay hacibo algo, bo por hayabo den situacionnan mucho mas grave cu si bo acepta locual por
pasa cubo.

Loke cu e abogado kier purba di bisa, cu no ta kere cu ta na su luga pa duna e hende muhe e
señal cu si nan laga un persona rape nan, nan ta sali mas miho cu si nan ta defende nan curpa y
pa mala suerte cos bay for di man. Si laga e persona abusa dibo sexualmente, despues haci un
denuncia contra dje, posiblemente e lo por haya un castigo di tanto aña generalmente 4 pa 5
aña. Pero mientras tanto si bo defende bo mes y e pelea bira un pelea cu ta bay for di man y