Page 168 - MIN JUS

bo mester tin e mala suerte cu e persona, durante e pelea perde su bida, abo nan ta exigi un
castigo contra bo di 10 aña.

E ora ey, e pregunta ta keda si esey no ta afecta un hende muhe, of e hende muhenan, cu algo
asina mester pasa cu nan, pa nan difici di defende nan mes, pa tuma un riesgo asina grandi.

Awor aki ta pendiente pa un sentencia. Fiscal a trece su caso padilanti, manera cu a sali
extensamente den medionan di comunicacion. E abogado no ta kere cu hende lo ta necesario
pa informa nan di esey. Locual cu no a mira den corant tabata e parti di defensa. E parti di
defensa a wordo treci padilanti ta cu ora cu e persona a tene e dama aki contra di su boluntad,
e tabata tin e derecho di defende su mes, locual el a haci. Durante e defensa ey, cos a bay mas
leu. E persona a bis’e diferente palabranan di abuso cu ta mira claramente cu nan ta bay den
direccion di abuso sexual.

Ademas di esey, e persona a bis’e despues cu el a lage bay, bise “Awor si bo ta bay haya.” El a
menas’e. E persona a drenta mas den panico, mas den stress y poco poco e situacion entre nan
dos a keda escala. El a escala asina hopi cu na dado momento e señora a drenta den panico
total, ora cu dado momento e meneer a bis’e “mi ta bay matabo, awo si mi ta bay matabo.”
Ora el a bis’e esey, el a compronde cu aparentemente no tabata tin idea di haci’e, pero awo si
a dicidi cu lo bay haci’e. Desde e momento ey, el a bringa pa su bida. E resultado ta conoci cu
finalmente e hende homber a perde su bida.

Selfdefense cu ta yama noodweer, mester tin un acto criminal. Algo mester pasa. Loke a haci
ey mester ta un crimen pa selfdefense, aliviabo di e crimen ey. Naturalmente fiscal y ministerio
publico, den caso cu defensa ta bin dilanti cu selfdefense, ministerio publico ta keda para ariba
cu ta un caso di asesinato, e por ta un caso di maltrato. Generalmente ta bringa contra cualkier
defensa di selfdefense. Esey a pasa mescos cu tur otro caso, mescos cu e caso aki, caminda cu
Ministerio Publico, manera ta normal, ta para ariba cu no ta selfdefense y defensa ta para ariba
cu si ta selfdefense. Defensa a duna hues, no solamente e parti di hechosnan, pero tambe e
parti di derecho, esta ki tipo di casonan asina aki, Hoge Raad, cu ta Corte Supremo na Hulanda,
a dicta den varios caso similar, a duna su opinion y basa riba esey, defensa tabata di opinion cu
tabata tin noodweer, esey ta selfdefense. Tin un aspecto di selfdefense, cu ta yama noodweer
excess. Ora cu un hende bay defende su curpa, e ta bira emocionalmente asina excita, cu
enbes di defende su curpa, e ta bay mucho leu den su defensa. Esey tambe ta excusable. Esey
tambe por pasa pa selfdefense, bo a bay mucho leu, pero tabata den un estado emocional e
momento ey cu a causa esey. E ora ey esey tambe ta un motibo cu hues por acepta defensa di
selfdefense y dicidi cu no ta bay haya castigo, segun Lejuez.