Page 12 - AWEMAINTA

12 AWEMainta Diahuebs, 23 Maart 2017

Lider di partido MEP, Evelyn Wever-Croes

A homenagea mas baluartenan di partido

MANERA a bin ta pasando ultimo lunanan partido MEP a en-
trega reconocemento na baluarte y lidernan di bario. Personanan
cu a traha duro pa partido MEP.

MEP a cuminsa cu e reconocementonan aki aña pasa, y te n’e
momento aki a reconose mas di 700 persona.
Den fin di siman MEP a invita 250 baluarte pa ricibi reconoce-
mento.
Entre esnan cu a ricibi reconocemento tabata sr. Nelson Oduber y
henter su famia, su esposa, yiunan, y rumannan.
Lider di MEP Evelyn Wever-Croes a entrega e reconocementonan:
“Sr. Nelson Oduber a dirigi partido MEP pa 25 aña, y a guia 4
Gobierno di MEP cu a goberna Aruba na forma drechi. Durante
e temporada aki su esposa Glenda, su yiunan Glenson, Dangui y
Chito, como tambe su rumannan a haci hopi sacrificio.

Pesey nos a presenta nan un reconocemento. Nos a entrega casi 200
reconocemento e anochi di 17 di maart na varios hende homber y
hende muhernan balente, pa nan aporte na desaroyo di nos partido
y nos pais.

Tabata un anochi sumamente bunita, y esnan cu a wordo homena-
gea a keda sumamente contento cu e reconocemento.
E sigiente reconocemento lo tuma lugar na fin di april, pasobra
apesar cu nos a reconoce hopi hende caba, nos falta hopi hende
pa reconoce ainda.

Di curason nos ta gradici cada un di nan pa nan aporte na nos
partido”, Evelyn Wever-Croes a duna di conoce.