Page 21 - AWEMAINTA

AWEMainta Diahuebs, 23 Maart 2017 21

Aruba Aloe su celebracion di dia di

Himno y Bandera tabata un exito total

DIASABRA cu a caba di pasa, dia 18 di maart, Aruba Aloe
tambe a forma parti di e ambiente festivo riba nos isla en conexion
cu nos dia di Himno y Bandera. E celebracion tabata un exito to-
tal, atrayendo un publico impresionante kennan a pasa pa celebra
nan orguyo nacional den un manera dibertido pa henter famia.

E celebracion a tuma lugar na Aruba Aloe su Fabrica, Museo y
tienda na Hato. Tabatin tour gratis di e fabrica y museo, y tambe
musica tradicional di Steel Pan. Mientras cu DJ Chris y e banda
Sodo y Cuero a entretene e bishitantenan, tabatin pintamento di
cara pa e muchanan hunto cu pony rides den e camponan di Aloe.
Cuminda no a haci falta hunto cu smoothies di Aloe na encargo
di Blue Eyes Catering y The Little One.

Aruba Aloe su managing director, Remko van der Veldt, ta com-
parti, “Nos no por ta mas contento cu e resultado...Tabata yen yen!
Nos ta hopi contento cu asina tanto miembro di nos comunidad
a bin celebra Aruba su identidad unico! Cual indudablemente ta
inclui su tradicion special di e cultivo di Aloe, cu anos na Aruba
Aloe ta mantene na bida pa mas di 125 aña caba. Di curason nos
ta gradici tur hende cu a forma parti di nos evento y cu a haci
esaki un berdadero exito.”

Como parti di e celebracion aki, Aruba Aloe tabatin un promo-
cion hopi special den su tienda na Hato. Na honor di e dia di nos
Himno y Bandera tur prijs a cambia di dollar pa florin.

Marketing Manager Jessica Posner ta comenta, “E promocion
tabata un exito total. Door cu e festividad nacional aki ta celebra
nos orguyo Arubano, nos a pensa cu esaki lo ta e oportunidad
perfecto pa tur nos clientenan por probecha pa cumpra na can-
tidad tur nan productonan faborito di Aruba Aloe, cual a bira
Aruba su orguyo.”

Esnan cu a faya e evento aki, por pasa na cualkier momento
na e facilidad na Hato pa disfruta di e tour gratis di e museo y
fabrica. E tournan ta wordo ofreci cada 15 minuut, di dialuna
pa diabierna, for di 8:00am pa 4:30pm y diasabra for di 9:00am
pa 4:30pm. E tour ta accentua e historia di e cultivacion di Aloe
riba Aruba y ta revela e proceso entero di e produccion, desde e
cortamento na man di e blachinan di e Aloe te cu e empake di e
productonan final.