Page 23 - AWEMAINTA

AWEMainta Diahuebs, 23 Maart 2017 23

YMCA Aruba a celebra

dia di Himno y Bandera

cu un Scavenger Hunt

RIBA diabierna ultimo, 17 di maart 2017, YMCA
Dakota a organisa pa prome biaha un Scavenger Hunt
informativo pa e miembronan di nan after school
program ‘Y’s Care’.

E meta tras di e Scavenger ta pa encurasha nos
muchanan pa siña mas tocante nos pais y historia
relaciona cu nos dia nacional di Himno y Bandera, y
nos Status Aparte.
E muchanan a pasa un momento hopi dibertido pero
alabes educativo. Nan a gosa di e dia y di e tareanan
cu nan mester a ehecuta durante di e Scavenger Hunt.
E Scavenger Hunt a wordo prepara y ehecuta dor
di Youth Workers di YMCA Dakota, esta Sherwin
Wester y Donna-Lee Eddie.

Mirando e exito di e Scavenger Hunt, YMCA Aruba
lo trata di implementa esaki den 2018 pa ambos cen-
tro. Di e manera aki YMCA ta pone como meta pa
den aña 2018 por inspira y motiva un cantidad mas
grandi di mucha, pa siña mas tocante nos pais Aruba.