Page 37 - AWEMAINTA
P. 37
AWEMainta Diahuebs, 23 Maart 2017 37
Teror na London
Atake terorista pafo di Parlamento na
London ta laga tres morto y binti herido
LONDON – Por lo menos tres persona a perde nan bida y otro
binti a wordo herida den un atake cu a tuma luga ayera na London.
Esaki a sosode riba tereno di Parlamento na London.
Un atacador den un auto a pasa bay cu un grupo grandi di peaton
pa despues a dal contra e heki di Parlamento, unda el a continua na
hinca mata un agente policial. Parlamento a wordo cera, mientras
oficialnan arma a encarga di e caos pafo.
E alcalde di London, Sadiq Khan, a bisa cu e caso ta wordo trata
como un atake terorista. Curiosamente, dicho atake a tuma luga
net un aña despues di e atake suicida na e aeropuerto di Brussels,
Belgica, den cual un cantidad di persona a perde nan bida.
Testigonan a splica e escena catastrofico na momento cu e auto a
pasa bay cu e peatonnan. E atacador mes a perde su bida n’e sitio.
A cera y sigura varios parti di e ciudad pa cuminsa cu investigacion.
