Page 32 - AWEMAINTA
P. 32
32 AWEMainta Diahuebs, 23 Maart 2017
GKMB cu accion di fumigacion contra sangura
DEPARTAMENTO di Salud Publico kier informa pueblo di
Aruba cu for di dialuna 20 di maart GKMB (Gelekoorts en Muskiet
Bestrijding) a start cu accion di fumigacion contra sangura. Inspec-
tornan di GKMB a cuminsa cu e accion aki den area di San Nicolas
mirando cu e datonan compila ta mustra cu San Nicolas ta e area
caminda cu e sanguranan ta causando mas problema.
Durante di e siman aki nan lo ta terminando den San Nicolaas y
lo pasa fumiga den Jara, Savaneta, Pos Chikito y Sabana Basora.
Pa dialuna ta planea pa cuminsa fumiga den Santa Cruz. GKMB
ta pidi cooperacion di un y tur pa habri porta y bentana di cas
entre 5’or y 7’or di atardi/anochi, asina e pesticida por penetra tur
caminda durante di fumigacion.
Tuma precaucion door di tapa cuminda y haula di parha, tapa
aquarium y vijver y haci baki di awa y cuminda di bestia di cas
bashi y/of tapa nan.
Ta importante tambe pa recorda cu fumigacion ta baha e cantidad
di sangura (adulto) cu ta bula rond, pero ta keda e responsabilidad
di cada doño di cas pa controla su cas y vecindario riba posibel
criadero pa asina evita cu e sangura por sigui broei.
Sin criadero no tin sangura, sin sangura no tin Dengue, Chikun-
gunya ni Zika. Pa mas informacion por tuma contacto cu GKMB
na telefon 585-3325.
