Page 39 - Djaweps 24 yanuari 2019.pdf

Djaweps 24 Yanüari 2019 39

Kontinuashon di pagina 10
Hòmber akusá di a

bia i a bira kana bai
serka su ruman muhé
bras’é i pidié pordon pa tur
loke el a hasi. El a bisa su
ruman ku e ke biba bon ku
nan komo famia.
Despues di esaki e
ruman a bisa Gideon
ku úniko kos ku e ke pe
hasi ta wak bon ken ta su
amigunan i pensa promé ku
e agredí den kas.
Hues a duna di konos’é
mas aleu ku fo’i 16 aña
Gideon a kuminsá usa
mariwana i ke dun’é un
chèns pa bai Brasami.
Gideon a bisa ku e lo tin
gana di bai Brasami pa aya
nan yud’é.
Fiskal Out a haña e
akusashon probá i a bisa e
akusado ku loke el a hasi di
bai brasa su ruman muhé,
el a hañ’é super bon pa
motibu ku e stap ei no ta
nada fásil.
Fiskal ta di opinion ku e
akusado a sinta sufisiente
den prizòn pa e kaso aki.
Fiskal ta haña ku akusado
mester bai Brasami pa su
adikshon, pero a bisa ku
hopi hende ta riba lista di
espera pa bai haña yudansa
den e sentro.
Mirando tur esakinan
fiskal a yega na un
demanda di 6 luna di kual 3
kondishonal ku un periodo
di prueba di 3 aña mas guia
di Reclassering.
Abogado di e akusado
mr Verkade a pidi hues
entre otro pa duna akusado
un chèns pa e bai selebrá
su hasiment’i aña dia 27
binidero na su kas.
Hues de Kort den
su desishon a puntra e
akusado unda e lo bai
ora e rekobrá su libertat.
E akusado a splika ku e
tabata biba serka su ruman
muhé. El a bisa ku e lo tin
ku bai papia ku su mama
pa si e por keda serka dje
tambe i ku e ke drecha su
bida promé e bai bèk serka
su ruman muhé.
Despues di a bai
deliberá, hues a bisa ku
el a apresiá kon Gideon
a aseptá su kulpa i para
responsabel i ku sin niun
esfuerso el a gara e chèns i
brasa su ruman muhé pidié
despensa. Pa ku e desishon
hues a duna di konos’é ku
e ke duna tantu e mama
i e ruman muhé chèns
pa prepará nan mes pa e
yegada di Gideon.
P’esei e ta wanta un ratu
i laga un par di dia pasa pa
esaki sosodé.
Relashoná ku esaki
Hues a bisa ku Gideon por
bai kas na fin di yanüari.