Page 4 - APA
P. 4
10 AWEMainta Diahuebs, 21 Maart 2019
Aruba a ricibi 10 barco crucero den Siman di Dia Nacional
ARUBA a celebra Dia Nacional, Dia di
Himno y Bandera, esta 18 di maart.
Den e siman aki, Aruba Ports Authority a
prepara pa ricibi 10 barco crucero.
Aruba Ports Authority (APA) a concentra
riba celebracion Dia Nacional di Aruba, Dia
di Himno y Bandera. A presenta informacion
adicional p’e pasaheronan yegando Aruba e
siman aki p’asina nan cera conoci mas di cerca
cu nos historia.
Ta basta barco crucero APA lo ricibi den e si-
man aki. Dialuna mes tabata keto den waf di
Aruba pero diamars a yega Celebrity Silhoutte
cu ta yega mainta y lo ta ancra na Aruba te
anochi.
Awe diarazon ta un dia hopi druk pa Aruba
ora cu tin tres barco grandi mara den waf for
di mainta tempran.
Ta trata aki di Monarch, Freedom of the Seas
y Rotterdam. Monarch lo bandona Aruba
basta tempran sigui pa Rotterdam den oranan
tempran di atardi, mientras cu Freedom of the
Seas ta keda den oranan laat na Aruba, permi-
tiendo pasaheronan pa disfruta un poco di e
ambiente nocturno na Aruba.
Awe diarazon ta yega Aruba Navigator of The
Seas. E lo t’e unico barco den waf diarazon,
mescos cu t’e caso pa diabierna cu e bishita di
Prinsendam.
Diasabra si lo ta un dia druk na Playa cu tres
barco crucero grandi bishitando. Ta Windstar,
Aida Parla y Zuiderdam y lo cera e siman dia-
domingo cu Koningsdam.
Cifranan cu APA ta dispone di dje ta mustra
cu luna di januari a resulta mihor cu aña pasa.
Apesar cu Aruba a ricibi un barco crucero me-
nos cu na 2018 ora cu 52 crucero a mara den
haf, por nota cu e barconan tabata mucho mas
grandi. Apesar di e diferencia di un barco, e
cantidad di pasaheronan tabata mucho mas.
Na januari 2018 a ricibi 53 barco cu ta rep-
resenta 108.298 pasahero hunto cu 42.822
miembro di tripulacion, compara cu e 52
barconan di januari, 2019, cu a percura pa
128.425 pasahero mas 48.715 tripulante.
Gerencia di APA ta contento cu e prome ci-
franan cu ya caba ta duna un indicacion con
resultado di aña 2019 ta bay ta.
