Page 50 - MIN ECEM NOV 25

Gobierno ta para 100% tras di Festival di Dande

Thursday, 24 November 2016 20:09
Comparti

Prome minister Mike Eman, tabata tin un serie di reunion, di cual un di nan ta cu e organisadornan di
festival di Dande y tambe dianan nacional.
El a splica cu tabata un momento hopi agradabel pa sinta cu e organisadornan di Dande, encabesa pa sr.
Harry Croes, kende tin mas cu 40 aña ta organisa Dande. Su ideanan con pa sigui engrandece henter e
festival di Dande, ta hayando cada aña toch mas acogida, despues cu a haci algun cambio cierto
momento, hib'e na otro sitio y e aña aki, drentando 2017, na December awo, ta intencion pa organis'e
riba Plaza Betico Croes y haci'e liber pa tur hende por bin y pa Gobierno duna su aporte pa sostene
hustamente.
Pasobra cu e ta bay ta liber, ta importante pa tin un apoyo di Gobierno tambe pa haci'e posibel, tanto pa e
gastonan, pero den e aspectonan organisatorio. Mirando e historia di e festival aki, mirando e
importancia pa nos cultura y tur locual henter e ambiente di dande ta trece pa Aruba na final di aña y su
identificacion cu e identidad di Aruba, pa Gobierno ta hopi importante pa sigui sostene e evento
importante aki di e festival di Dande.
Pesey ta duna palabra na sr. Harry Croes cu e por conta cu e apoyo total di Gobierno pa esaki. Croes
conoce prome minister caba pa hopi aña y tey presente durante su festivalnan di Dande. Semper e ta
termina cu un ambiente hopi positivo y for di e Rey di Dande hopi biaha ta sali artistanan cu despues ta
sigui desaroya den e mundo musical di Aruba. Pesey e contribucion di e festival di Dande ta sumamente
grandi pa pais Aruba y Gobierno ta sostene cu un gran placer, segun prome minister.