Page 51 - MIN ECEM NOV 25

Otro siman lo duna taxistanan contesta riba nan inkietud

Thursday, 24 November 2016 22:06
Comparti

Prome Minister a tuma e encargo pa scucha e taxistanan cu autorisacion di minister de Meza kende sa cu
tabata tin preocupacionnan pa loke ta e situacion cu e taxistanan.
Specialmente e forma con ta dialoga cu partnernan den nos sociedad. Semper Gobierno por ta di acuerdo
cu otro, pero si mester tin un sentido di respet, un sentido con ta trata otro.
A inverti hopi durante e añanan di dialogo social, den forma di un plataforma caminda cu tin un dialogo
hopi habri, hopi transparente y sigur sigur cu ta wordo hopi caracterisa pa e respet cu ta duna na esnan
cu ta sinta na mesa cu Gobierno. E inkietud cu ta existi cerca e taxistanan cu nan no a wordo scucha of cu
cosnan a wordo imponi riba nan, ta algo cu naturalmente gobierno kier kita pasobra no ta bon pa
cualkier grupo na Aruba sinti cu Gobierno ta impone nada riba nan, sin cu a hiba un dialogo y sin cu por
compronde e argumentacionnan cu por ta un gobernante of Gobierno tin ora cu tuma decisionnan. Ta
importante pa e proceso aki cay bek den contexto di e forma con nos gobierno semper a caracterisa su
mes cu ta un participacion amplio di esnan cu ta interesado ora cu un decision cay, cu e ta afecta nan, cu
nan tin un participacion real den e proceso pa yega na un decision y cu no ta impone tampoco y cu tin un
boluntad grandi pa scucha cu tur trankilidad y cu respet. Esey ta algo cu ayera nochi a wordo comparti cu
esnan cu a representa e mas di 300 taxistanan, pa representa nan den e tema specifico aki, pa cual e
manifiesto a wordo presenta.
A priminti nan pa otro siman cu lo duna nan un contesta riba e inkietud cu tabata tin den e manifiesto y
ta spera cu despues di esey por sali padilanti cu minister de Meza lo por reuni tambe cu nan.
Tin hopi otro tema specifico, pero esun realmente ta defini na e momentonan aki e ambiente, ta e decreto
cu nan ta sinti cu a cay hopi pisa y cu nan no a sinti cu tabata tin e participacion cu nan lo a desea.
Gobierno no a forma parti di e proceso ey pa sa precies kico a sosode. A scucha si kico nan a bisa y
tumando en cuenta cu nan a bisa, tumando den consideracion kico ta e interesnan cu Gobierno tambe tin
cu proteha di e interes general, ta tuma tur cos na consideracion pa bin bek cerca e taxistanan pa duna
nan un contesta riba e inkietud grandi aki cu tabata e decreto ministerial, segun prome minister.