Page 12 - bon-dia-aruba-20190423

a12 riba caya
Diamars 23 aPriL 2019

Nissan Cube a dal contra

ciclista riba Sasakiweg

SASAKI - Riba caminda di Sasakiweg diadomingo
mainta trempan yegando e rotonde biniendo for di
nort un chauffeur masculino den un Nissan Cube, lo a
baha caminda y dal contra un ciclista.

E ciclista a resulta herida debi na e golpinan ricibi. Ambulance
a presenta na e sitio y paramediconan a brinda asistencia y
stabilisa e victima pa despues transporte pa hospital pa haya
atencion medico avansa. Specialista di trafico a keda solicita
pa haci nan investigacion hunto cu departamento tecnico, na
e sitio a pone e chauffeur supla tambe.

Pickup Hilux a bolter pabou

rotonde Sasaki y cay den

greppel

SASAKI - Diadomingo den oranan di marduga chauf-
feur di un Toyota Hilux pickup a lubida e birada cu tin
pabou rotonde Sasaki direccion Oceania y a perde con-
trol baha e caminda y bolter cay den e greppel.

E pickup a keda riba su dal tur hende a sali lizo,y roadservice
a keda encarga pa yama takelwagen.

Porta di cura a cay riba

señora di edad den

Caya St Lucia

SAN NICOLAS - Diasabra atardi habitantenan di Caya
St Lucia a bati alarma na centro di alarma, informando
cu un porta di cura a cay riba un señora di edad.

Polis y e unidad di ambulance a presenta di biaha, habitan-
tenan a yuda e señora y paramedico a brinda asistencia medico
y a bay cu e victima centro medico.

Accidente den cadena na Kamerlingh Onnestraat

ORANJESTAD - Diasabra anochi den Kamerlingh On-
nestraat dilanti KFC a sosode un accidente cu tres auto
envolvi.

E chauffeur di un Corolla no a midi su velocidad y a dal tras di
un Hyundai Elantra pa despues e Elentra a dal tras di un Ford
Edge. E impacto a laga e tres autonan kibra. Polis di trafico
tabata presente pa atende cu e accidente. A pone e chauffeur
supla pa wak si e ta bou influencia di alcohol.