Page 12 - MIN ON

Parlamentario Clarisca

Velasquez “Esaki ta e

interes di Mep pa abuso

sexual di menor”

Published on February 22, 2017 in Politica
ORANJESTAD, Aruba

Comision di husticia a jama minister di husticia na parlamento pa trece preocupacion di
pueblo pa cu abuso sexual di menor un biaha mas. Henter parlamento ta wordo invita
pa e reunion aki y tur esnan cu no ta miembro di e comision tambe ta wordo invita pa
atende e reunion aki mirando cu e ta un preocupacion den pueblo.

Nos a tuma nota cu parlamentarionan di Mep a atende e manisfestacion dilanti
ministerio publico riba e preocupacion diamars ultimo cu nan derecho pero awe
diaranson cu ta nan deber pa atende e reunion importante aki aunke nan no ta miembro
nan no a jega parlamento. Awor e pregunta cu ta surgi ta si e lider di Mep solamente ta
busca pa saca probecho politico cu e preocupacion aki??? Dicon e no a jega
parlamento diaranson ora comision di husticia a jama minister di Husticia y ministerio
publico pa sondea/ brainstorm kiko mas mester haci pa por preveni y combati e crimen
aki contra nos menornan???

Semper tur parlamentario por atende tur reunion cu comisionnan ta jama na parlamento
y mirando cu abuso sexual di menornan ta un preocupacion grandi cu ta biba den
pueblo. Pero Mep solamente ta purba saca probecho politico pasobra ora nan por
contribui berdaderamente cu nan trabao pa juda sondea kiko mas por haci cu e crimen
aki contra nos muchanan nan no ta presenta na trabao. E ta mas cu obvio awor cu
solamente dos miembro di Mep a presenta na e reunion aki cu Minister di husticia y
Ministerio Publico cu ta solamente probecho politico nan kier saca di e preocupacion
grandi cu ta biba den nos comunidad.