Page 9 - MIN ON

comportacion ora di consumi alcohol. E adulto no ta realisa cu chikito ta copia mal comportacion. Pa e
motibo aki e studiantenan conhuntamente cu Fundacion FADA a bin cu e proyecto titula Children see,
children do. Nan a traha un video cu ta ilustra e comportacion negativo di adulto ora nan consumi
alcohol y con e chikito ta ripiti locual el a mira. Shedaissy Lake y Nohely Fingal a acerca Fundacion
BEAM pa nan proyecto final. Nan a opta pa haci algo cu tin di haber cu creatividad. BEAM ta un
fundacion nobo na unda e comunidad por yega hunto pa traha riba diferente proyecto creativo. Pa nan
proyecto Shedaissy y Nohely a scoge pa nos grandinan traha un collage. E studiantenan a scoge e grupo
meta aki mirando cu hopi biaha comunidad en general ta lubida riba nan. Shedaissy y Nohely tabata kier
pa nos grandinan sinti nan mes inclui den contacto social y pa medio di e collage hiba nan bek den tempo
treciendo emocionnan. IPA kier gradici tur e instancianan cu a brinda e studiantenan e oportunidad pa
haci nan proyecto social cu ta un parti obligatorio di e programa di IPA.

http://www.24ora.com/index.php?option=com_content&view=article&id=119041:studiantenan-di-
ultimo-ana-di-ipa-a-tene-exposicion-di-nan-proyecto-social&catid=1:local&Itemid=5