Page 14 - AIRLINES JAN 31

plan di stabilidad lo palabra e detayenan di e financiamento, cu lo cana paralelo cu e ehecucion di e plan.
Un prome pago di 3 miyon florin a keda paga den luna di December di 2016 como adelanto riba e
acuerdo aki. Awe a procesa e di dos pago di 5.6 miyon florin pa luna di Januari 2017.

E team di maneho, conforme e acuerdo, tin cu formula un business plan mas detaya den tres luna y laga
e hunta di comisario aproba esaki. E business plan ta encera e strategia y tambe e metanan operacional y
financiero pa e proximo 3 aÒanan. E business plan tambe ta describi e trayecto pa yega na un partner
strategico, cu lo fortifica e compania cu capital y conocemento (know how). Den e di cuater kwartaal di
2017 lo cuminsa cu e seleccion di e partner strategico. Gobierno lo retira na final di e trayecto aki.

Den cuadro di ehecucion di e acuerdo, Gobierno lo keda mantene e comision di InselAir presidi door di
sr. Etienne Ys. E comision na nomber di Gobierno ta supervisa ehecucion di e acuerdo aki y ta conseha
Gobierno al respecto.

Partidonan tin pleno confiansa cu e acuerdo aki a pone un base solido pa garantisa e conexionnan aereo
cu ta crucial pa Corsou, caminda comunidad por conta atrobe cu un compania di aviacion confiabel y
safe.

Informacion adicional di e constelacion di e miembronan nobo di hunta di comisario y tambe e team di
maneho:

Comisarionan
Sr. JosÈ Jardim, presidente comisario.
Sr. Lars de Brabander. Sr. De Brabander tin amplio conocemento y experiencia den industria di aviacion
y ta un anterior gerente di Martinair Holland y KLM na Corsou.
Sr. Anthon Casperson, accountant y anterior CEO di Aqualectra.

Ehecutivonan den e team di maneho:
Sr. Gilles Filiatreault como Presidente Ehecutivo.
Sr. Andre Delger como CFO, accountant y anterior gerente na diferente kantoor grandi di auditoria na
Corsou. Su ultimo funcion tabata CFO na aeropeurto di Corsou (CAP).