Page 13 - BNDIA ARUBA

a13
riba caya Dialuna 8 OctOber 2018

Chauffeur bou influencia di alcohol deteni

ORANJESTAD - Diadomingo marduga, mientras cu
polisnan tabata atende cu un accidente, un auto binien-
do for di pabou a dal den un baranca riba caminda y a
sigui core riba flat tire.

Polis a para e auto di biaha y a constata cu e homber tras di
stuur ta bou influencia di alcohol y a keda deteni hiba warda
di polis.

Chauffeur a pega pickup

den santo na Eagle Beach

ORANJESTAD - Den oranan di marduga personanan
pasando banda di Eagle Beach a capta un pickup Ford
pega den e santo blanco.

Despues di investigacion, a resulta cu e doño di e pickup kier
a pasa esaki riba e beach y a pega cu e pickup completo. Ta di
lamenta cu ainda tin chauffeur no ta compronde cu no por
core cu vehiculo riba santo blanco di lama.

Hoben bati den parkeer plaats di The Village

ORANJESTAD - Diadomingo marduga den e parkeer
plaats di The Village den area di club nocturno un ho-
ben a haya su mes den problema.

E problema a sosode entre e hoben contra di mas cu 4 otro
persona, unda cu e personanan lo a bati e hoben formalmente
y lag’e herida. E hoben tabata sangra for di su cabes debi na
e golpinan, polis tabata presente pa tuma dato y ambulance a
presenta unda paramediconan a atende cu e victima.