Page 56 - KPA

Dia 15 di februari

proximo ta bira e ultimo

dia pa paga impuesto pa

vehiculo di motor 2017

Published on January 27, 2017 in Local
ORANJESTAD, Aruba

Departamento di Impuesto ta participa cu dia 15 di februari ta bira e ultimo dia pa paga
por lo menos e prome mita di aña di impuesto pa vehiculo di motor di aña 2017. Pa ley
e fecha final ta 31 di januari pero den deliberacion cu Minister di Finansa a dicidi pa
extende e termino te cu dia 15 di februari proximo. Departamento di Impuesto ta spera
cu asina su clientenan por haya mas tempo pa cumpli cu e pago. E recomendacion ta
keda si pa no warda te na ultimo momento pa haci e pago concerni. Alabes ta
recomenda e clientenan cu tin e posibilidad pa paga via banco, pa haci esaki sea
personalmente of online. Si ta bay paga via banco mester tene cuenta cu e gasto di Afl.
3,- (mitar aña) of Afl. 6,- (ful aña) pa por ricibi e stickernan tambe.