Page 61 - KPA

Habitante di bario terorisa na Ponton: Hasta e mama di e
hoben ta pidiendo ayudo na e bisiñanan

Sunday, 29 January 2017 18:51
Comparti

Manera cu ya nos a indica, habitantenan di Ponton ta terorisa pa un hoben di 14 aña y ni su famia tin
grip riba dje. Un habitante a splica cu e hoben aki no ta bayendo scol, pakico, no ta conoci.

Su orario di move ta marduga, entre 12'or y 3'or pa 3'or y mey, pasobra e cachonan di tur e cayanan ta
keda blaaf y bisiñanan ta lanta. Esey ta haci pa esnan cu ta na turno pa tira bista, ta wordo alerta pa e
cachonan.
Den e bario aki nan tur ta uni, segun e habitante. Den e chatgroup cu nan tin conhunto, nan ta
completamente activo constantemente. Den e chatgroup aki, tur tin un experiencia cun'e. E hoben aki a
horta den auto di un juffrouw di scol, diasabra siman pasa, un otro juffrouw a hay'e den su auto sinta ta
busca cos di horta. Tin un otro bisiña mas, un locutor, caminda e hoben a bin su cas y a bay cu cos. Ora
cu a papia di dje na radio, el a bay bek na e cas, comete destruccion y menas'e cu morto.

E experiencia cu e bisiñanan tin cun'e ta cu e ta bin bon bon cerca nan pidi pa awa of juice. E mes ta
conta cos cu ta pasa na su cas. E mama ta bisa cu e hoben ta inventa cosnan cu no ta berdad. Pero e ta
haci'e su manera pa por drenta cas di hende. Su preguntanan semper ta ki ora bo ta traha, ki ora bo ta
yega bek, ki ora por bin cerca e bisiña. Esey ta haci e ora cu e luz ta cende pakico e ta haci e preguntanan
ey. Dado momento tur hende ta bisa cu nan ta haya nan mes cu e mesun pregunta. Un bisiña a conta cu e
hoben a puntra si e por haya un glas di awa y a puntra e bisiña pa drenta paden, y e bisiña a nenga. El a
puntra e bisiña si e tin miedo di dje, cual a contesta cu no. E hoben aki ta purba tur manera unda e por
yega.
E mama mes awor aki ta pidi constantemente pa forward mensahenan pa por fabor yud'e, pasobra e no
por mas. E mama ta bisa cu e no tin forsa y si scucha e voicenotenan con e ta menasa e mama, pa e
cuidao cu e ta grabe of yama polis. E hoben aki tin dominio grandi caminda cu e ta biba.

E habitante en particular, e no a drenta paden, pero e cas ta uno normal. A yega di bisa e mama por ta e
situacion cu nan ta biba aden, por ta cu e mucha ta sufri di rejection, pero por ta door di e comportacion
of vicio, e cas no tin casi nada den dje.
Ora cu e mucha ta cera, bario ta trankil, segun e habitante. No tin ningun dolor di cabes, loke ta trata
ladronicia, etc. Mayoria di e casnan di camara, of cacho. Ora cu e no tey, ta un trankilidad y esey a splica
e mama. A base di esey e mama a manda tur stuk kico tur a haci cu e hoben. Hasta Colombia el a wordo
manda. E mama a acerca Gobierno y via via, e hoben a bay Colombia. Despues cu el a bin bek, tur cos a
caba na nada.