Page 63 - KPA

Hoben di 14 aña tin bario den Ponton terorisa

Sunday, 29 January 2017 18:40
Comparti

Ciudadanonan ta preocupa. Tin un neighborhood watch chatgroup cu tin 24 cas den e grupo aki, cu
constantemente dos tres cu ta keda pendiente di loke ta pasa rond den diferente caya.

Tin hopi problema y dolor di cabes. E bario ta terorisa pa un hoben, cu ta jammer pa bisa. E tin 14 aña.
Tin contacto cu mama di e hoben aki. Segun cu por compronde e tin minister, instancianan manera
voogdijraad, specialista na PAAZ cu sa di e asunto. Sinembargo tur cos ta tranca, segun e mama di e
hoben na voogdijraad, cu te ainda no por logra haya un instituto pa asina por pone e hoben aki aden y pa
e mama tambe por ta safe, pasobra e mama aki ta wordo hopi intimida pa e yiu.

E mama a perde forsa y no ta logra pa pone un stop na loke e mucha homber aki ta haci of logra tene den
cas, cual ta haci cu tambe ta insigur, mescos cu e demas habitantenan den full e bario.

Tin contacto cu e mama y segun un habitante, e famia tin contacto cu sociale zaken. Ministerio Publico
tambe ta na altura. Na December el a comete destruccion na cas di un bisiña y el a menasa un habitante
cu morto. El a wordo deteni 10 dia. Sinembargo a lage bay cas y despues di 2 siman atrobe tabata tin
problema cune.

E ta cana riba dak, tira casnan cu piedra, ta teima cu tur cacho. Ta conoci cu e mucha homber cu cierto
momentonan e ta flip y e ta bisa cu e cachonan ta busk'e problema, of basora ta busk'e problema, e ta
bisa cu e muraya ta grit'e cosnan. E ora ey e bisiñanan ta pidi por fabor via prensa, si ta posibel cu por
yega na e instancianan concerni pa haci algo, pasobra nan no por mas. E habitantenan di e bario no sa
den ki estado mental e ta. Sa cu tin un ruman mas y a yega di wordo propona door di e hoben aki. Por ta e
tin e famia domina, pero e ta un peliger y e habitantenan no por mas. E cos aki por end up malo, sea ta
un di e bisiñanan ta lanta contra dje, of pa e hoben aki mes.