Page 78 - KPA

partinan intimo y despues subi riba nan baiz y bay direccion hollyday inn. Polis a yega
na e sitio y a papia cu e mucha muhe y despues a bay mira si por a topa cu e
muchanan aki riba baiz den bisindario.

Ta trata aki di dos hende homber unda cu un di nan tabata hopi flaco y su color di cuero
tabata scur y tabatin cabey largo na vlecht. E otro tabata largo flaco color bruin y tabata
coco pelon. Sinembargo na momento cu polis a controla no por a haya nada y polis a
manda e mucha muhe pa bay warda di noord pa asina haci un denuncia oficial.
Sinembargo mas laat un Patrouille cu tabata patruyando a mira dos hoben riba baiz y
para e dos hobennan aki y tur dos ta cuadra cu e descripcion cu e mucha muhe a
duna.

Na momento cu polis a puntra e hoben cu cabei largo si di berdad e la mishi cu un
mucha muhe den bisindario di Riu Antillias, e hoben a acepta y bisa polis cu si berdad
e la mishi cu e mucha muhe paso e no a mira nunca di su bida un mucha muhe asina
bunita y alabes a bisa cu e mucha muhe mes tabata kier pa e mishi cu ne. Mesora polis
a bay na kita e bicicletanan for di e hobennan aki y a papia hopi fuerte cu e
hobennan mirando cu nan ta menor di edad nan lo mester presenta cu nan mayornan
na warda pa por haya nan bicicleta bek. Tambe e hoben a keda avisa cu si tin un
denuncia haci contra di dje lo e keda deteni mesora, mirando e acto aki cu e la haci no
ta aceptabel.