Page 81 - KPA

Noticianan di polis pa 24 di Januari 2016

Sunday, 29 January 2017 09:46
Comparti

Aki ta sigui un resumen di noticianan policial pa dia 24 di Januari ultimo.

Hungado di casino ta laga sakito di cocaina atras

PALM BEACH - Diamars, pa mas of menos 1or y 35 di marduga, Central ta manda patruya na Alhambra Casino pa
un asistencia. Eynan a papia cu e manager di siguridad di dicho localidad, kende a declara cu un huesped tabata
hungando na un slotmachine. Ora cu e huesped a bandona e casino, el a laga un sakito chikito cu un puiro blanco
atras. Polis a confisca e sakito y a hink'e den un envelop na disposicion di departamento di narcotica. Central y
comandante na warda a wordo poni na altura.

Turista burachi a perde na caminda pa hotel

PALM BEACH - Diamars, pa mas of menos 2'or y 25 di marduga, Central a dirigi patruya riba parkinglot di "Riu
Antillas" banda di 'Blossoms Restaurant' pa un persona burachi. Na e sitio polis a papia cu security di dicho hotel,
kende a declara cu tin un turista Mericano burachi y a perdi. A papia cu e turista, e homber HH, kende a bisa cu e ta
kedando na Divi Phoenix y cu el a bay den casino. H. a wordo hiba na Frontdesk di Divi Phoenix, caminda cu un
trahado a bay controla e nomber den e sistema di computer. Polis a hiba H. den su camber. Central a wordo poni na
altura.

Doff y Chico Gang kier a tira para pero a wordo para pa polis

ORANJESTAD - Diamars, pa mas of menos 5'or y 50 di mainta, polis tabata patruyando cerca di e misa na Playa
situa den Hendrickstraat, ora cu nan a mira e dos conocidonan di polis yama Doff y Chico Gang.
Nan tabata sinta na altura di dicho misa y tabata mustra sospechoso. Ambos tabata tin rugtas riba nan lomba. A bay
controla ambos adicto ambulante. Den e rugtas preto di "Chico Gang", polis a topa un sker di beton cu man color
preto. Esaki a wordo confisca, mirando cu mas tempran nan a wordo poni na altura pa un otro adicto ambulante cu
Chico Gang y Doff tabata canando rond y tabata tin plan di comete ladronicia.
Den tas di Doff no a haya nada sospechoso.

Grupo di adicto ambulante tabata haci fastioso na Ponton

PONTON - Diamars, pa mas of menos 12'or y 55 di merdia, Central a manda patruya na un adres na Ponton, pa
molester di adicto ambulante. Eynan a bin constata cu 5 adicto ambulante tabata sinta den un grupo. Polis a splica
nan cu nan no por sinta eynan y a corenan for di e sitio. Central a wordo poni na altura.