Page 62 - ATA

Manera ta conoci esaki ta un acuerdo di gobernacion entre e tres partidonan di
Coalicion, pa explora e posibilidadnan pa legaliza e uso di Cannabis medicinal, y esaki
nan ta haciendo.

Minister Oduber a splica cu nan a institui un comision cual a duna su conseho, y a
presenta recientemente un staat nota na Conseho di Minister, cual a keda aproba
unanimamente.

Na mesun momento e staat nota aki lo fungi como “Memorie van Toelichting”. Gobierno
ta bay bin cu un ley nobo tocante Cannabis, unda ta bay atende cu e uso medicinal di
productonan cu ta contene CBD (Cannabidiol), cu por wordo cu por cumpra den un
botica of supermercado. Esaki ta productonan cu no ta contene THC).

Minister Oduber a splica cu e productonan cu ta contene un dosis halto di THC (Tetra-
hydrocannabinol) pa uso medicinal lo mester bay cu receta di docter di cas. Tur esaki ta
den “pipe line” y esaki ta un prioridad pa gobierno y e ley ta cla na e momentonan aki.

E ley mester bay Departamento Huridico y Raad van Advies pa finalmente e bay
Parlamento pa bay over na votacion, pa asina Aruba por tin un ley cu a legaliza e uso di
Cannabis Medicinal.

Esaki ta un proceso cu lo wordo introduci na 2020. E mandatario a subraya cu hopi pais
a legaliza caba e uso medicinal di marihuana, y incluso tin cu a legaliza su uso
recreativo. Pero gobierno a pone enfasis, conforme e acuerdo di gobernacion cu a

firma, cu ta uso medicinal so.

Minister di Salud a subraya cu gobierno ta spera di keda cla cu e proceso aki e aña aki
mes ainda, pa asina pa 2020 tur cos ta “in place” pa asina comunidad tin acceso na e

productonan cu ta contene e substancianan menciona.

Gobierno ta bay pone un serie di exigencianan pa esnan cu lo kier importa e
productonan aki haci un peticion na gobierno, y gobierno lo institui un comision cu ta

consisti di Direccion di Salud Publico, Inspeccion di Remedi, AZV y Ministerio di Salud,
pa evalua cada peticion conforme tur e criterionan cu ta wordo stipula, y finalmente, a
base di esey, lo otorga e vergunning na esnan cu kier importa e productonan aki.