Page 11 - BNDIA ARUBA

A11
opinion Diahuebs 22 augustus 2019

Paula Nahr honra cu Nacionnan Uni ta kere den su trabao

ORANJESTAD - Recientemente, den cuadro di ob-
servacion di e dia internacional contra Trafico di
Hende, na Brasil, e Organizacion Internacional pa
Migracion (OIM) a organiza varios sesion di cinema
dirigi na migrantenan y refugiadonan Venezolano na
Boa Vista, frontera cu Venezuela.

OIM, pa medio di e YouTube Channel a haya sa di e docu-
mentario produci na Aruba, 'Promesa Falso', cual a wordo
produci door di e Switch Foundation.

Debi na e mensahe impactante cu e documental ta con-
tene, OIM a solicita Switch Foundation e permiso pa ex-
hibi esaki durante e sesionnan durante e siman di consci-
entisacion aki.
Durante cada sesion tabata presente un promedio di 30
persona y despues di e exhibicion a tuma luga charlanan
relaciona cu e topico.

Un aspecto importante ta cu Switch Foundation ta ofrece
tur organisacion pa tuma contacto cu nan si nan ta desea di
'screen it' pa yuda cu e causa di proteha onsnan mas vulner-
able di explotacion laboral y sexual.

"Pa mi como fundador, productora y guionista di Promesa
Falso a keda sorprendi y a sinti honra cu un organisacion
importante manera Nacionnan Uni y relevante asina lo a
kere den nos trabou. Mas importante ta cu for di Aruba
nos por yuda proteha e comunidadnan mas vulnerable na
mundo actualmente door di crisisnan social y politico",
Paula Nahr a expresa.

Tambe, a agrega, 'nan a pidi mi conseho pa sugeri y eligi e
videonan pa nan mustra durante nan actividad tocante pre-
vencion di explotacion laboral na e refugiadonan y migran-
tenan Venezolano na Boa Vista, Brasil, frontera cu Venezu-
ela cu ta supremamente vulnerabel awor aki".

Nahr a sigui bisa cu "mi a haci un buskeda intensivo y mi
a manda nan un lista di videonan cortico anima cu den un
forma facil principalmente ta mustra con e promesanan fal-
so ta wordo duna na esunnan vulnerabel y den necesidad
pa trabao".

E ta haya asina valioso e hecho cu un organisacion di UN
a pidi su conseho pa eligi e videonan apropia como un per-
sona conocedo di e tema. Esey ta un muestra cu nan ta kere
den su criterio y den su experticio relaciona cu e topico di
'Human Trafficking'

'Promesa Falso' ta un documentario cu a wordo lansa aña
pasa cu e obhetivo principal di capta e atencion y educa e
hoben y mayornan. Tambe ta mustra cual ta e señalnan pa
tene na cuenta den un posibel caso di abuso of explotacion
y asina yuda preveni pa mas mucha muhe of hende muhe
bira victima di abuso of explotacion sexual.

Paula Nahr kier encurasha tur organisacion pa haci nan
rednan digital e prioridad pa informa y educa pasobra a
traves di e medionan digital tur hende por tin acceso y lo
por yega facilmente na un informacion valioso cu por guia
of scapa un hende na tempo. "Awendia nos ta biba den un
era digital y tur contenido informativo y educativo mester
wordo publica den nan rednan social, YouTube Channel y
tur plataforma digital y medionan di comunicacion posibel
ya cu cada plataforma tin un audiencia diferente".

Finalmente el a bisa: "Mi ta invita tur mayor, organisacion y
scolnan pa tuma contacto cu nos via: info@switchfounda-
tion.org y nahrmedia@gmail.com pa nan por haya e video
y yuda proyecta e mensahe di Promesa Falso na mas hoben
y mayor cu ta posibel en special esunnan cu a bay of ta bay-
endo studia afo.

Promesa Falso ta un produccion di Switch Foundation den
partnership cu Kiwanis Young Professionals, Counter Traf-
ficking Task Force, Departamento di Cultura y Nahr Me-
dia.