Page 22 - AWEMAINTA

22 AWEMainta Diamars, 27 November 2018

Alan Howell

Ambiente Social di Fin di Aña na

San Nicolas tabata un exito total

DIASABRA anochi San Nicolas a haya un

atencion special unda cu tur presente por a

pasa un anochi y a reina un ambiente di Pas-
co, alegria, union, paz y trankilidad. Esaki

a tuma lugar durante e evento di Ambiente

Social di Fin di Aña.
Parlamentario Alan Howell tabata presente

durante e gran evento aki y por a sinti e entu-

siasmo cu tabata biba entre tur esunnan pre-
sente. El a gradici minister Glenbert Croes pa

dun’e e honor pa hunto cu su persona, cende
y inaugura e luznan di e Kerstboom di mas

grandi na Aruba.

Como representante di pueblo y habitante
di San Nicolas, Howell tabatin palabra di

gradicimento na gobierno, minister Glenbert
Croes, San Nicolas Business Association y

tur otro cu a coopera di un manera of otro pa

e evento aki por tabata un exito. El’a indica
cu actividadnan asina ta contribui na trece e

sentimento di union, paz y trankilidad entre

e habitantenan di San Nicolas y tur esunnan
cu a bishita e evento aki, specialmente den e

dianan di fiesta cu ta yegando cada bes mas

cerca. “Keda pendiente pa e proximo”, Alan
Howell a conclui.