Page 76 - JUS JAN 12

Ir. Edwin Jacobs di SVB: Ta importante pa tin bon maneho
di absentismo

Wednesday, 11 January 2017 23:14
Comparti

E ziektemeldingnan ta diferencia hopi entre sector priva y publico y hasta DRH a menciona esaki.

Segun director di SVB, ir. Edwin Jacobs a splica cu a tuma nota di e entrevista cu a wordo haci cu sra.
Omaira Lares y final di e luna aki mes lo sinta cu DRH. nan ta manera un partner di Gobierno den
maneho di absentismo. Ta importante pa tin un bon reglamento di absentismo, reglanan conoci. Un parti
di absentismo ta comportacion y comportacion por influencia. Por influencia door di castiga y por
influencia door di premia. Eynan, cada doño di trabao tin cu bay conoce su empleadonan A base di esey
mira ki instrumento ta esun miho pa e por a atende cu e situacionnan aki. Ta uza instrumento di sancion
of ta uza instrumento di premiacion. Por lo general ta conoci si cu hende ta reaccion mas positivo riba
premiacion cu e ta reacciona riba sancion. No tin un reseta cla pa tur empresa. E ta exigi di empresa,
instituto, departamentonan pa constantemente evalua su empleadonan, e caracteristica di e
empleadonan y constantemente busca e mix pa ta miho pa e departamentonan. Na SVB a pasa den dje y
ta sigui pasa den dje, pasobra no ta algo cu ta un biaha haci e ta keda asina. E ta exigi inversion di bo
parti como empresa y a involucra trahadonan tambe den dje. Na final di dia, un empresa saludabel,
trahadonan saludabel ta un empresa cu ta produci, pero tambe ta un empresa cu ta contribui na e meta
grandi cu bo pais y percura pa tin un poblacion cu ta embeheci activamente saludabel y ta bira mas tanto
posibel independientemente.