Page 78 - JUS JAN 12

Minister Arthur Dowers a duna resumen di loke ta e reunion
di Justitiele Overleg

Wednesday, 11 January 2017 23:08
Comparti

Na Aruba tabata tin e Justitiele Overleg. Durante e ocasion aki ministernan di husticia di reino a topa
unda a papia riba diferente tema. Despues di e conferencia aki minister di husticia di Aruba a hiba
palabra.
Minister Dowers a bisa cu e ministernan di husticia di reino, den e caso aki Corsou, St. Maarten, Hulanda
y Aruba ta bin hunto. Corsou y St. Maarten ta dos minister nobo y pesey a duna nan un special bon bini y
prome introduccion na e reunion aki. E reunion aki, como cu tin un ambtelijke aparaat cu ta sostene e
reunion. Tin un secretaris cu ta buta cu por a sigui e reunionnan manera cu a bin ta sosode den e aña aki
den un tempo hopi lihe y eficiente. A trata diferente tema awe y logicamente cu no ta bay lesa tur e
temanan den e conferencia di prensa, pero temanan entre otro tabata evaluacion di e rijkswetten cu ta
bay over di funcionamento di hof pa e diferente paisnan. Ministerio Publico di Corsou y St. Maarten y
BES, e funcionamento di aspectonan di polis RST, ta biniendo ordo den e parti aki y tabata tin discusion
basta amplio entre Corsou, St. Maarten y Hulanda y no a yega na e conclusion den e parti aki.
Sinembargo puntonan cu si a carga cu aprobacion di tur hende ta entre otro discusion cu ta hibando riba
prevencion di mensensmokkel. A felicita st. Maarten di a logra di a desbarata algun grupo di
organisacionnan criminal den e pais St. Maarten, asina para e maltrato di hendenan muhe riba nan
teritorio. A palabra pa loke ta pais Aruba, ta sigui cu e trabao cu a bin ta haci, caminda cu a duna
informacionnan nan comunidad y diferente partner cu ta traha riba e tereno di mensenhandel y
mensensmokel pa señala e fenomeno aki y pa asina ey previnie. Esey ta exitosamente haci na Aruba.
Loke tin cu inverti mas den dje ta e parti caminda cu ta bay atende cu esnan cu ta ocupa nan mes cu e
fenomeno aki pa persigui nan den corte. Tanto mensenhandel como mensensmokkel ta bay haya e
atencion aki. Tin un taskforce cu ta bay wordo instala na e momentonan aki y ta spera cu pronto
Ministerio Publico lo bay over na e detencion of a lo menos e investigacionnan cu ta spera cu lo duna
resultado, tanto di reestablece e integridad di cierto hendenan, pero tambe para e proceso di nos pais.