Page 44 - VOS

AZV ta reemplaza ‘vouchers’ cu

‘debitcard’ pa pashent den exterior

Posted on 03/7/2017 6:21 pm AST | Updated on 03/7/2017 6:21 pm AST

ORANJESTAD – Algemene Ziektekosten Verzekering (AZV) a dicidi cu nan ta
reemplaza uso di ‘vouchers’ cu ‘debitcard’ pa pashentnan cu wordo manda den exterior
pa trato medico. Pa medio di un comunicado, AZV a splica cu desde introduccion di
AZV na aña 2001, AZV ta aporta pa medio di un compensacion financiero den e
gastonan di cuminda y bebida pa aseguradonan y nan acompañante social ora nan haya
aprobacion di AZV pa bay exterior pa haya tratamento medico. E compensacion
financiero aki (daggeldvergoeding) AZV ta duna como un servicio na e cliente.

Pa facilita e proceso di administracion di AZV y di e hospitalnan den exterior, como
tambe pa evita tur keho cu tin tocante e compensacion financiero di AZV, AZV na
comienso di e aña aki a tuma e decision pa traha cu ‘vouchers’. Sin embargo, despues di
un periodo di prueba y un evaluacion extenso, awor AZV ta dicidi pa bay over na e
introduccion di ‘debitcards’.