Page 16 - bon-dia-aruba-20190503

A16 HENDE
Diabierna 3 Mei 2019

Actividadnan di Miss Teen Aruba International a cuminsa

ORANJESTAD - Durante fin di siman e candidatanan
di Miss Teen Aruba International a cuminsa cu nan ac-
tividadnan pa 2019.

Diabierna ultimo a tuma luga un Quiz Night unda cada can-
didata a bin cu nan team di amiga y amigonan y a competi
contra e teamnan di grandinan cual tabata consisti di mayor-
nan y famia di e candidatanan, tabata un anochi masha anemo
unda na di 3 luga a keda Team Leentje di Leedha Harms, na di
2 luga a keda Team Fabulous cual tabata famianan di Leedha
Harms y como Grupo Ganado tabata DC Brothers cual tabata
consisti di mayornan y tionan di Ileyna de Cuba.
Tabata masha great mes pa mira e hobennan competi cu e
grandinan. E siguiente actividad tabata uno masha impor-
tante pa e candidata y esaki a tuma luga diadomingo mainta
na Arashi unda Cathy Helder a duna e candidatanan un semi-
nario di Felicidad unda nan mester a papia kico pa nan ta Feli-
cidad di tambe nan mester a haci algun tarea y pa nan conoce
nan mes. Tabata un mainta hopi dushi y educativo. Awor nan
ta cla pa sigui cu e reto aki di 3 luna na caminda pa Miss Teen
Aruba 2019 cu lo tuma luga dia 14 di juli 2019.

Siguiente evento lo ta diabierna 10 May na Fort Zoutman cu
lo ta Miss Teen Folklore 2019. E aña aki e candidatanan mes-
ter baila un pieza musical, Leedha Harms lo baila un Tam-
bu, Chantal Conradus lo baila un Danza y Ileyna de Cuba
lo baila un Walz, lo tin presentacion di algun hoben di Gang
di Arte. E entrada aki ta Gratis y lo tin algun plato tipico na
benta, manera Cabrito Stoba, Papaya Stoba, Balchi Pisca, Sopi
Galiña, y kisas lo tin Yambo tambe, Un Bar bon surti y tambe
lo tin e boca dushi. Bo ta invita pa diabierna 10 mei. Pa mas
informacion por sigi e pagina di Miss Teen Aruba Interna-
tional.