Page 28 - HOH

ta bai tene relacion cune. Ta bon pa prome semper por haci uso di DBZ por bai
na e departamento asina haci testnan riba malesa transmiti sexualmente
p’asina e dos personanan cu ta bai tene relacion sexual por sa con nan situacion
ta. Ta fastioso cu na dado momento ora ta bai tene relacion sexual cu un
persona eynan mes e risiconan ta cuminza pasobra no sa ki ta situacion di
malesa di e persona cu ta bai tene relacion cune. E por ta oral, e por ta vaginal
y awendia ta papia di anal tambe pues e ora ey no sa si e persona aki por tin un
di e malesann aki. Hopi biaha Departamento di Salud ta duna presentacionnan
rib malesa sexualmente transmiti na scolnan y pa lugarnan priva y ta educa tur
hende un tiki riba dje p’asina tur hende por na altura kico ta e malesanan cu ta
pasando rond. Sr. Henriquez a sigui bisa cu ta bon cu ora no conoce un persona
haci uso di proteccion. Si ta topa un persona y no conoce y si ta bai tene
relacion pa prome biaha cu e persona aki, no sa kico e tin of lagi tin. Pesey
semper haci uso di proteccion pa evita cu ta contagia cu un di e malesanan
sexualmente. Si ta bai den e parti cu ta bai tene relacion sexual oral, manera e
articulo cu nos a publica un par di dia atras, semper por haci uso di proteccion
tambe pa cu esaki. Sr. Heriquez a sigui bisa cu si bai volg loke e articulo cu nos
a publica ta bisa, sigura cu e persona cu bo ta bai haci’e cune ta un persona cu
bo ta confia. Bo casa, bo partner cu bo sa cu e no lo tin un malesa cu por wordo
transmiti sexualmente pasobra si e sperma ta bai den boca y e persona tin un
malesa bo lo bai haya e malesa aki. Hopi ta e malesanan cu tin y nan no ta
nada dushi. “Pues ta tur esakinan ta malesa cu por wordo transmiti via relacion
sexual y oral tambe. Apart di esey tambe bo por haya otro infeccionnan
bacterial tambe comun cu por haya den bo carganta tambe. Dus pa esaki e ora
tambe ta bon pa trece informacion padilanti cu mester ta huicioso, mester tene
cuidao n momento cu ta bai haci e tipo di relacion sexual aki”, asina Sr.
Henriquez a sigui bisa. Atrobe ta enfatiza ta bon pa trece informacion den
poblacion pero semper y cuando mester tene cuenta un tiki tambe cu e parti di
educacion, p’asina tur hende sa kico por y kico no por, con ta bai haci’e y cu
kende ta bai haci’e. “Sigur cu si e no ta desconsehabel, pero si tene precaucion
y semper y cuando informacion ta bon bini pa pueblo pero nos mester tene
cuenta si con ta haci’e y cu ken ta haci’e. Esey ta importante”, asina enfermero
Henriquez a sigui bisa. Importante ta cu mester tin un base di confianza cu e
partner cu ta bai haci e acto cune y cu bo no ta bai contagia cu un malesa. “E
por ta den bo garganta pero si ta tene relacion sexual normal, e por trece
consecuencia tambe pa si por sali na estado anto e ora ey tambe e baby tambe
ta nace cu un of mas di e malesanan aki. Dus pa evita esaki tambe semper
mester corda cu bo mester tin un bon base di confianza cu e partner cu bo tin of
cu bo ta bai haci e acto sexual”, Enfermero Sr. John Henriquez a declara.

https://masnoticia.com/departamento-di-salud-di-aruba-ta-duna-informacion-pa-ora-di-haci-sexo-oral-
y-sexo-en-general/