Page 11 - BNDIA ARUBA

A11
HENDE Diaranson 19 December 2018

Minister Ruiz-Maduro a entrega premio na Zyricq Lacle

ORANJESTAD – Dialuna mainta, Minister di Finansa,
Asuntonan Economico y Cultura haci entrega di un
tablet na e ganado di e slogan pa Carnaval 65, ‘feel the
vibe in 65’ y na Papiamento ‘sinti e vibe den 65’.

E hoben Zyricq Lacle, alumno di Colegio Conrado Coronel
a resulta e ganado cu e slogan. Zyricq a ricibi tambe como
regalo un cuenta di Aruba Bank for di Roxanne Croes y un
celular Samsung A6 di Setar Aruba NV.
Vice-presidente di SMAC Ghislaine Winterdaal tambe tabata
presente na momento cu Zyricq a ricibi su premio y regalonan.
Sra. Ruiz-Maduro a entrega un certificado di reconocimento
na Ann-Jillian de Haseth di klas 4,b pa stimula participacion
di nos muchanan den nos carnaval y cultura di Aruba en gen-
eral. Tanto Zyricq como Ann-Jillian a keda hopi contento cu
e premionan y reconocimento.

Cuater studiante a gradua

di Universidad di Aruba

ORANJESTAD - Departamento di Social Work
& Development di Universidad di Aruba ta suma-
mente orguyoso pa anuncia cu recientemente, cua-
ter graduacion a tuma luga.
Sergianny Barros a presenta su tesis titula ‘One More
Bottle: Underage Drinking in Aruba’, mientras cu Nich-
olle Vrolijk a bira e di 25 graduado di e programa Social
Work & Development ora el a completa y presenta su tesis
riba e topico ‘Incarcerated Teenagers’ Perception on Par-
enting Styles’. Hannah Harsveld a presenta su investiga-
cion tocante ‘The Perception of Homosexuality Amongst
Adolescents in Aruba’, y finalmente Rahaida Wever a pre-
senta su investigacion titula ‘The Importance and Current
Situation of Psychosocial Support for Cancer Patients and
their Families in Aruba’.

E cuater damanan a ricibi e titulo Bachelor of Arts in So-
cial Work & Development y pues awor por oficialmente
yama nan mes trahado social. Pa mas informacion tocante
e programa Social Work & Development, cual ta na nivel
HBO y acredita pa NVAO (Nederlands-Vlaamse Accredi-
tatieorganisatie), por bishita nos website www.ua.aw/fas/
swd