Page 12 - HOH

Mi ta sinti mehoracion

drastico despues di mi

prome tratamento di

Stem Cell segun

Published on April 21, 2017 in Salud/SPLASH
ORANJESTAD,Aruba

Despues di nuebe siman cu Sra. Lin a sigui su tratamento di stemcell na merca, e ta
bisa di ta sinti un mehoracion. Cambionan positivo y grandi segun cada siman cu pasa
tin cambionan hopi grandi. Na februari ultimo 6, 7 y 8, sra. Lin a haya su prome
tratamento na Lung Institute na Tampa Merca. Sra. Nathali Lin tin COPD cu ta Chronic
Obstructive Pulmonary Disease. Esaki ta bin pasobra Sra. Lin ta sufri di autoimmune
disease, cu ta haci cu e pulmonnan ta ataca nan mes. Awor e halamento di rosea ta
miho y papia tambe ta miho baña sin cu tin di ansha tur esaki nan ta positivo.

Drumimento e siman aki por a drumi di banda ta algo cu no por a haci prome cu e
tratamento. Na 12 siman por mira y sinti tur cambio di e prome tratamento. Manera ta
conoci Sra. Nathali Lin a ser nenga pa AZV pa haya tratamento di Stem Cell debi cu
esaki ta den experimento. Pero loke Sra. Nathali Lin a tende for di algun pashent cu si a
haya e tratamento aki ta full otro. For di e storianan cu e la tende di pashentnan aki na
Aruba, cu ta bai un dokter di joins si ta haya stem cell den rudia den laboratorio aki na
Aruba. Pa sra. Lin e tin un problema cu esaki, pasobra e ta bisa cu AZV ta nenge
tratamento di Stem Cell pasobra ta den experimento, pero pa rudia y joins AZV ta paga.
Awor Sra. Nathali su pregunta ta, dicon AZV no ta paga pa un tratamento
experimental? For di vocero di AZV, por a tende cu ta cubri pa stem cell serca
personanan cu leukemia na Hulanda.

Si AZV ta cubrie pa e dosnan aki anto Sra. Lin ta haya cu e tin derecho pa haya e
tratamento pa su pulmon pa su COPD. Tin mas pashent cu a bin serca Sra. Lin na su
cas cu a ser diagnostica cu e mesun malesa y dokternan a duna nan e mashin di
oxigeno cu e remedinan anto dokter ta bisa nan, si sinti mas malo bai poli anto laga nan
jama mi. Esey ta e dokter cu ta tratanan. Sra. Nathali Lin ta cuestiona ki tratamento
esaki ta pa un pashent? Pasobra ningun hende sa ora cu ta sinti anshamento, bo ta
orina bo mes y esey kier meen cu ja e malesa aki ta jega na un punto cu por muri di dje.
Pa un miho calidad di bida, tin cierto recurso manera stem cell. Hendenan no ta kere
den dje, e specialistanan di pulmon aki na Aruba, no kier tende di esaki.